Padri Jean François Uwimana yashyize hanze indirimbo nshya yise”Kuva Kera” iyi ndirimbo ifite umwihariko kuko yaririmbishije umushinwakazi ikinyarwanda.
Mukiganiro yagiranye n’ikinyamakuru IBYAMAMARE.com, Padiri Jean Francois yavuzeko ashaka kwinjiza abantu bashya mu muziki we,ari nayo mpamvu yakoresheje umushinwakazi akamuririmbisha ikinyarwanda bahuriye kuri Kaminuza yigaho.
Padiri urigukomereza amasomo ye kuri Université ya Erfurt mu Budage,avugako uyu mushinwakazi yari mushya kuri irishuri, akumva aho Padiri aririmba nawe asaba ko yakwinjizwa mu itsinda rye nk’umubyinnyi n’umuririmbyi kuko nawe asanzwe ari umuririmbyi mu Bushinwa.
Mu kumwakira padiri yamushyize mu ndirimbo ye nshya “Kuva kera” mu buryo bwo kugira ngo bamenyerane babe banapanga no kuzakorana izindi. Padiri ati: Muri iyi ndirimbo yanjye nsohoye uyu mushinwakazi hari uduce tw’ikinyarwanda yashoboye kurimba neza ku buryo byatangaje abo twari dusanganywe. Ubwo bahise bavuga bati ” we’ve got a new talent”, ubwo nanjye nti “why not test it ? You welcome.”
Padiri akomeza agira ati “uyu mushinwakazi kuririmba byo nabonye arenze no kubyina kdi ntiyoroshye ahubwo umenya ari burushe aba hano twari tumaze kumenyerana. Nizere ko bitari butere ishyari!” Ikibazo ni kimwe kumuhamagara ni danger izina rye ngo ni “Yunyi Zhao” kurivuga neza ni intambara, cyakoze yatwemereye kujya tumuhamagara “Mia” mu buryo bwo kutworohereza ngo igishinwa kidakomeza kutugora turwana nacyo.
Tanga Igitekerezo ukoresheje Facebook